|
ካብ ሃገር እንግሊዝ ዝተላእከልና ብሩጡብነቱ እንተኣማመነሉ ሓጺር
ሪፖርት ክሳብ ሎሚ ዘይመጽሓፍየይ ገለ’ዶ ኾን ለውጢ ይረከብ ይኽውን ብማለት ኢዩ ነይሩ። ዋላ ሓንቲ ለውጢ ገና የልቦን። ክትሓትት ተባሂሉ ዝተላአከት ጓል መዋቲ ጌና አይተመልሰትን። ክሳብ ሎሚ ከኣ አበይን መአስን ከም ዝቕበር አይተፈልጠን። መጀመርታ ወይ ምስ ዓረፈ፡ አምበሳደር ተ. ገራህቱ ምስ ብጾቱ ብወግዒ ከም ዘበጽሐን፤ መብልዕ ቁርሲ ምስ ረአየ ድማ “ሓላፍነት መንግስቲ ስለ ዝኾነ አልዕሉዎ ደአ” ከም ዝበልን ላዕለዎት ሓለፍቱ (ማንኪን ናይ ወጻኢ ሚኒስተርን አሰኒዩ ከም ዝበጽሕዎን ተረጋጊጹ። ሬሳ መዋቲ ንፍትሓት ናብ ቤተ-ክሪስቲያን ምስ ከደን፤ ፍትሓት ምስ ተወድአን፡ ታሪኽ መዋቲ ክንበብ ምስ ተሓተ፤ ስለ ዘየዳለዉን ዘይነበሩን ከይተነበ ጥራይ ዘይኮነስ ገለ ዘይንቡርን ዘይተጸበዩዎን ከም ዘሎ ተረጋገጸ። ካብታ መዓልቲ ፍተሓት ንደሓር እዩ ድማ እቲ ጉዳይ ናብ (ፓብሊክ) እቲ ወረ ዝተዘርግሐ። እቲ ሽማግለ ካብ ህዝቢ (አተውቲ-ወጻእቲ ኤምባሲ) ንኽሓቱ ከይዶሞ ዝበሃል ከኣ፡ ሓቂ ክነሱ ብስሩዕ ወይ እውን ብጥርናፈ ዝተላእኩ ዘይኮነስ በቢመንገዶም ስለ ዝንበረን ብዝተፈላለዩ ሰባትን አብ ዝተፈላለየ እዋንን ብምንባሩ በዚ መዓልትን ሰዓትን ክበሃል አጸጋሚ ኮይኑ ረኺበዮ አሎኹ።
|
|
"ብዛዕባ
ናይዝጊ ክፍሉ እንፈለጦ ጉዳይ የለን።"ሓለፊ ቆንስላዊ ገዳያት መንግስቲ ኤርትራ ኣብ ዓዲ እንግሊዝ። 02-23-2012፡፡ ሬሳ ነፍስ-ሄር ናይዝጊ፡ ናብ ኤርትራ ናይ መስዳድ ዘሎ መደብ፡ ብቐጥታ ካብ ዝምልከቶም መልሲ ንምርካብ፡ ወኪል መስከረም፡ ትማሊ 02-22-2012 ከባቢ ሰዓት 8፡10 ቅ.ቀ. ብናይ ዲሲ ኣቆጻጽራ፡ ናብ ኤምባሲ ኤርትራ ናብ ዓዲ እንግሊዝ ብምድዋል ወኸሳ ገይሩ ነይሩ። ስልኪ ዝተቐበለት ጸሐፊት፡ ብዛዕበ መዋቲ ሕቶ ከም ዘለዎ ምሰ ሓበራ፡ ብዛዕባ'ዚ ዝመልከቶ ቆንስላዊ ጉዳያት እየ ስለ ዝበለት፡ ናብ ቆንስላዊ ጉዳያት ናብ ኣቶ ሚካኤል ኣመሓላለፍቶ።ምስ ሐሊፊ ቆንሳለዊ ጉዳያት ዝተባህሎ፡ ምስ ኣቶ ሚኪኤል እውን ብስልኪ ተራኸበ። ድሕሪ ሰላምታ ምቅይያር፡ ብዛዕባ መዋቲ ናብ ኤርትራ ዝኸደሉ መደብ ሓተተ፡፡ ኣቶ ሚካኤል ቁን-ቁል ኣፋ " ንሕና እንፈልጦ ነገር የብልናን" በለ፡፡ንስዳራ-ቤቱ ዘይትሓትት ዝብል ንሁር መልሲ የስምዕ። ስድራ-ቤት መዋቲ፡ ካብ መንግስቲ መልሲ ኣይረኸብናን ወይ እውን ዓዲ ንኽንቀበሮ ሓቲትናስ መልሲ ዛጊት ኣይተዋህበናን ይብሉ ከም ዘለዉ ሓበረታ ከም ዘሎ፡ ንኣቶ ሚካኤል የካፍሎ። እሞ መንግስቲ ኤርትራ፡ ኣብ ኤርትራ ስለ ዘሎ፡ መልሲ ካብኡ ዘይተረክብ ይብሎ።በል፡ ናብ ወኪል መንግስቲ ኤርትራ፡ ናብ ክቡር ኣምባሳደር ኣመሓላልፈኒ ይብሎ። እዚ ጉዳይ ንዕዑ ዝምለከት ኣይኰነን ኢሉ ይምልስ። ኣስዒቡ፡ "ኣነ እኮ ንናይ እዝጊ ክፍሉ የኽበሮን የድንቖን እየ ...፡ስራሕ ስለ ዘለኒ ግን ኣብዚ ዘረባና ክንዓጹ ኢና" በለ። ዕጉስን ጽን ኢሉ ዝሰምዕን ኣቶ ሚካኤል፡ ብኣገባብ ናይ ስልኪ ልዝብ ይድምደም። ቅደሚ ስልኪ ምዕጻዉ ግን፡ "ናብዚ ናብ ቤት ጽሕፈት ዘይተመጽእ" ይብል፡፡ ወኪል መስከረም፡ ካብ ኣሜሪካ ይድውል ከም ዘሎ ብምሕባር የቐንየለይ ኢሉ ወኸሳኡ ወዲኡ ስልኪ ይዓጹ።ብኡ-ንብኡ ደጊሙ ናብ ኤምባሲ ብምድዋል፡ ምስ ክቡር ኣምባሳደር ክዛረብ ይሐትት፡ ኣብ ቤት ጽሐፍቱ ከመዘየለ ይሕበር። ከመይ ዝበለ ክብደት ዘለዎ ጉዳይ ስለ ዝኾነ እዩ? ካብ ዓዲ እንግሊዝን ካብ ውሽጢ ሃገርን ዝነፍስ ዘሎ ርጥብ ዝበለ ወረ፡ ጉዳይ ናይዝጊ ክፍሉ፡ ናብ ፕረሲደነት ኢሰያስ ከም ዝተሰጋገረን፡ ዋላ'ውን ንገዛእ ርእሱ ኤምባሲ ኤርትራ ኣብ ዓዲ እንግሊዝ፡ ውሳኔ ናይ ፕረሲደንት ኢሰያስ ይጽበ ከም ዘሎ ይሕበር። ካሳብ ውሳኔ ፕረሲደንት ሃገር ኤርትራ ዘድልዮ ድኣ፡ ከመይ ዝበለ ክብደት ዘለዎ ጉዳይ ስለ ዝኾነ እዩ ዝብሉ ናብ መንግስቲ ኤርትራ ቅርበት ዘለዎም ዜጋታት ትሒም-ትሒም ይብሉ ከም ዘለዉ ይፍለጥ። |
|
ስድራ-ቤት
ነፍሰ-ሄር ናይዝጊ ክፍሉ፡ መልሲ ካብ መንግስቲ ኤርትራ ይጽበዩ ኣለዉ። 02-21-2012 መስከረም፡ ብጉዳይ ሓመድ-ድበ መዋቲ፡ ምስ ዝምልከቶም ሸነኻት ቀጻሊ ርክብ ብምግባር፡ ዛጊት ነዚ ዝስዕብ ከረጋግጽ ክኢሉ ኣሎ።
መስከረም፡ ሓዲሽ፡ ጭቡጥ፡ ሓበሬታ ኣብ ዝተረኽበሉ ጊዜ ቀልጢፉ ንህዘቢ ክሕብር እዩ።
|
|
ጉዳይ ነፍሰ-ሄር ናይዝጊ ክፍሉ>>> |
| መስከረም፡ ብጉዳይ'ቲ ብዕለት 6 የካቲት 2012 ዝዓርፈ ዛጊት ዘይተቐብረ፡ ነፍስ-ሄር ናይዝጊ ክፍሉን ናይ ቀብሩ ስነ-ስርዓትን ጭቡጥ ሓበሬታ ከቕርብ ካብ ኩሉ ኩርናዓት ዓለም፡ ጠለብን ሕቶታትን ይመጾ ከም ዘሎ እንዳሓበረ፡ ነዚ ናይ ገዛእ ርእሱ ተሃዋስነት እንዳፈጠረ ዝመጽእ ዘሎ ጉዳይ፡ ጭቡጥ ሓበሬታ ንምቕራብ፡ ምስ ብቕጥታ ዝምልከቶም ሸነኻት ውከሳ ጂመሩ ከም ዘሎን፡ ኣብ ዝሓጸረ ጊዜ ሙሉእን ጭቡጥን ሓበሬታ ከቕርብ ምዃኑ ብኽብሪ እንዳ ኣፍለጠ፡ ንመዋቲ መንግሰተ-ሰማይ የዋርሶ ንቤተ-ሰቡን ፈተውቱን ከኣ ጽንዓት የሃብኩም ይብል። |
|
|
