ቀደማይ ሕቶ፡ ብጉዳይ ስግአት ኲናት ኤርትራን ኢትዮጵያን፡
( እዚ ሕቶ ብመገዲ ኢመይለ ናብ ኩሎም ተላኢኹ፡ አድራሻ ኢመይለ ግልጺ ከይገበረ ከም ሰነድ ንህዝቢ ክቐርብ እዩ።)

ናብ ዝኸበርኩም ( ደቂ አንስትዮ ሰለዘየለዋ)፡

• ብመገዲ ተጋዳላይ መንግስትአብ አስመሮም፡ ጊዜያዊ አቦ-ወንበር ኪዳን ቁ1፡ ንአቦ ወንበራት ንኪዳን ቁ1 ዘቖማ 2 ውደባትን 1 ሰልፍን

• ብመገዲ ተጋዳላይ ሑሰን ከሊፈ፡ አቦ-ወንበር ኪዳን ቁ2፡ ንአቦ ወንበራት ንኪዳነ ቁ2 ዘቖማ 7 ውድባትን ምንቅስቓሳትን

• ተ/አቦ ወንበራት ካብ ኪዳን  ወጻኢ ዝርከባ ውደባትን፡ ሰልፍታተን፡ ምንቅስቐሳትን

• አቦ ወንበራት አብ መረብብ ኢንትርነት ነፍሰን ዘላለያን ሰተዋስአን ሲቪካዊ ማሕበራት    

ሕቶ ቁ1፡ አብዚ ዝሐለፈ ቅንያት፡ መሪሕነታት ኪዳን አኸባታት አብ ዘካየደሉ ጊዜ፡ ሓደ አገዳስን መሰረታውን ዝኾነ ሕቶ ተሓቲቶም ቀጥታዊ ዝኾነ መልሲ ከይሃቡ ሸተት-መተት ኢለም ዘሐለፈዋ ደጊምና ከንሐታ ኢና። እታ ሕቶ ኸአ ከምዚ ትስዕብ እያ። (ብዛዕባ ህግድፍ ዘየተጠቕሰ ተባሂሉ አብ "ቀሚሽ" ቆይቂታት ከይንሕባእ ሓደራ፡ ቦ ጊዜ ለኩሉ።)

ኩናት አብ መንጎ ኤርትራን ኢትዮጽያን እንተተጀመረ፡ መርገጸኩም እንታይ ይኸውን?

     ሀ) አብ ጎኒ ህዝብኹምን ሓይልታት ምክልኻል ኤርትራን ደው ብምባል ንሃገር ትከላኸሉዶ?

     ለ) አብ ክለሰ-ሓሳበዊ መሕቢኢታት ተኸዊልኩም፡ መርገጽ ከይሐዝኩም፡ ካበ ምክልኻል ሃገር ዓዲዶ ትውዕሉ? ወየስ

    ሐ) ምስ ኢትዮጵያ ብቐጥታ ይኹን ብተዘዋዋሪ መገዲ ብምወጋን፡*   ንሃገርን ህዝብን ኤርትራ ብምኽዳዕ ምስቲ አብ ቅደሚ ዓለም ንገባር ህዝቢ ሶማል ንሕሰያ ብዘይብሉ ናይ ሕነ-ፍደ ኢሰበአዊ ስጉምቲ ብምወሳዱ በዎር ክራይመስ ዝኸሰስ ዘሎ  ወራሲ  ናይቲ አብ ልዕሊ ህዝብና አራዊታዊ ስገምቲ ዝወሰደ ጦር ስረዊት ተሰሊፍኩም ንሃገረ ኤርትራ ተወግኡ፡ 

*(ከምተን ክልተ አባላት ምሕዘንት-ነበር ናይ ብሔር ውድባት አብ ጊዜ  ኲናት ባደመ ምስ ሰራዊት ኢትዮጵያ ተሰሊፈን ንሃገር ዘወግአ ( ሰነድ አኸባ በይ አርያ ተወከስ፡ )

 
   ዕለተ ናጽነት ንምብዓል አብ አንዳለወሉ፡ ውራይ ክንገብርን ክንስዕስዕን ጥራይ ዘይኮነ፡ ብቐዳምነት፡ ነቲ ናጽነት ንምርግጋጽ ዘተኸፍለ ሰፍ ዘይብል መስዋእትን መውጋእትን ብርሰት ንብርትን እንዝክረሉን እነስተነትነሉን፡ አብ ውራያትና፡ ንዝኽሪ ስዉአት ርእስና አብ እነድንነሉ ደቒቕ፡ ኣእምሮና ናብ መድረኽ ብረታዊ ተጋድሎ መሊስና፡ ነቶም ብደም ዝጠልቀየት ኩሹኮም ጠቕሊልና ቀቢርናዮም ዝመጻእና፡ ካብ ቤተ-ሰበና ዝይዳ አንፍቅሮምን አንፍቅረንን ዘነበረና ብጾትና ጀጋኑ ተጋደልቲ ሰራዊት ሐርነት፡ ጀጋኑ ህዝባዊ ሰራዊት፡ጀጋኑ መለሻ፡ ከምኡ'ውን ናይ ሓፋሽ ውደባት አንዝክረሉ ጊዜ እዩ። ካባና ዘይውሕድ መስዋእትን ሕሰምን ዘረኸበ ህዝብና መጎሰ ይኹንካ፡ አታ ጅግና ህዘቢ! አንብለሉ ዕለት'ውን እዩ።
   
    ዑና አይክትድገምን እያ፡ ሓፍታ ጻዕዳ ክስታን'ውን አይክትድገምን እያ። ከምቲ አጥባት አደታትናን አሐትናን ዝተዘለዘለ፡ ከምቲ ኤርትራዊ ሕጻን ከይውልድ ከብዲ ጥኑሳተና ብሳንጃ  ዘተጠብሐ፡ ከምቲ ከሳውዲ መንእሰያትና ብናይ ፒያኖ ሰልኪ ዝሐለቐ፡ ከምቲ ደቂ አንስትዮና ተዐሚጸን ተሐኒቐን ዝተሰወራ፡ ብተካእቲ ጦር ሰራዊትን ቀይ ሽበርን ይኹን ካልእ ግዳማዊ ሓይሊ ደጊም አይክደገምን እዩ ኢለና ንስዉአትናን ንግዳይ አራዊታዊ ግፍዒ ኢትዮጵያ ዝነበረ ህዝብና ማሕላና እነሐድሱሉ ሰሙንን ዕለተን እዩ፡፡ ብስዉአትና ንዝተዋህበና ሕደሪ ደጊምና ገጥ አንብለሉ። አብሽሩ አንብለሉ'ውን፡፡

    እዚ መድረኽ፡ ብሰንኪ'ቲ አብ ከባቢና ተፈጢሩ ዘሎ ኩነታት፡ አብ መንጎ ኤርትራን አትዮጰያን ውግእ ከይጅመር ስግአታት ዝረአየሉ ዘሎ መድረኽ እዩ። ናጽነትና ክቕልብሱ ዝደልዩ ኢትዮጵያውያን፡ አብ ልዕሊ'ታ ከም ብለን ዓይንና ንርእያ ሃገርና ወረራ ኽግበር ዓው ኢሎም ብጉሃድ ክፍክሩን፡ መንግስቲ ኢትዮጰያ ወረራ ኸካየድ ክጽውዑን፡ ዲገመን አይረኸባአን እየን ኢሎም ክብድዑን ንሰምዕን ነንብብን አለና፡፡ ገለ ውሑዳት ሸነኻት፡ ንነፍሰም ከም አካላት ደንበ ተቓወሞ ኤርትራ ዝፈልጡ፡ ናይዞም ኢትዮጵያውያን መሳርሒ ብምዃን፡ ሃገርና ክትውረር፡ መሬትና ተቖሪሱ ገጸ-በረከት ከውሃብ ሰገጥ ከይበሉ፡ ምሰቶም አብ ልዕሊ ሃገርናን ልዕላወነትናን ዝሕንሕኑ ዘለዉ ኢትዮጵያውያን ተሰሊፈም አብ ልዕሊ መቓበር ስዉአትና ክሕንበጡ ንርእይን ንሰምዕን ከአ አለና።

   ጅግና ሰራዊት ሓርነትን ህዝባዊ ሰራዊትን፡ ሃገር ናጻ ናይ መውጻእ እጀሙ ገይሩ፡ ናጽነትናን ልዕላወነትናን ዝከላኸሉ ጀጋኑ ወሊዱ፡ በሉ ሕድሪ፡ ሃመማ'ውን አብ ከባቢአ ከይዝነቢ አሉ፡ ናይ ሃገር ምክልኻል ሓለፍነት ንዘሰኮሞም፡ መቐጸልታኡን መተካእቱኡን ዝኾኑ መንእሰያት ጀጋኑ ናይ ኤርትራ ናይ ምክልኻል ሓይልታት፡ በዞም አብ ላዕሊ ዘተጠቕሱ ክነኣአስ፡ ክቆናጸብ፤ ማይ ከምዝዓሞኸ፤  ከም ጸላኢ'ወን ክቐርብ ይስማዕ።

   ነዚ ክድዓትን ጥልመትን ምሻራውን፡ ዛጊት፡ በኪዳናት፡ ብውዳባት፡ ብማሕበራት (ውሑዳት ገዲፍካ) ተቓውሞን ምቅላዕን ስለ ዘይተራእየ፡ ህዝብና አብ ልዕለና፡ አብ ልዕሊ ናይ ኤርትራ ተቓውሞ፡ ስክፍታን ምጥርጣርን ከስምዕ ይርከብ። ትማሊ፡ ብሰንኪ'ቲ አብ ቻርተር ኪዳን ሰፊሩ ዝነበረ ናይ ሸሪዓን ኢትኒካዊ ኲናት ንምብራዕ ዘዓለመ ኢትኒካዊ ምፍንጫል ዘፍቅድ ዓንቀጻትን፡ ነቲ ሓቀኛ ዲሞክራስያዊ ቃልስና ዘይመልክዑ ብምሃብ ህዝብና ከም ዝነጽገናን ዝርሕቀናን ገቢርዎ። ሕጂ ኸአ፡ ብሰንኪ እዞም ውሑዳት ከዳዓት፡ እቲ ሓቀኛ ናይ ለውጥን ዲሞክራስን ቃልስና ዘይናቱን ዘይመልክዐን ይሕዝ ሰሎ ዘሎ፡  ንሕና፡ አብ ህዝባዊ መድርኽ ወጺእና፡ ብጉዳይ ልዕላውነት ሃገርና፡ ብጉዳይ ስግአት ኲናት ኤርትራን ኢትዮጰያን፡ ብጉዳይ ሓድንት ህዝበና ብጉዳይ ምክልኻለ ሓይለታተ ኤርትራ ዘለና ሓቀኛ መረገጻት ብወግዒ አብ ቅደሚ ዓለምን ታረኽን ንህዝብና፡ ክንሕበሮን ከነፍልጦን ይድለ።

    እምበአርከስ፡ መስከረም ብመሰረት እዚ እብ ላዕሊ ተጠቒሱ ዘሎ፡አብ ቅድሚ ህዘብን ታሪኽን  ንደንብ ተቓወሞ  ብአኽብሮት ነዞም ዝስዕቡ  2 ሕቶታት የቕርብ።