—Dq 18-12-2005

mk]M L†‰E§ l§r} KE† …lEq „íXqVgñ B›lgñ M}e]dh]} mkA}©kpgñ Nq o³ªE§ ]£M •êchëlLðŠ„íF …nK}kX o³©öD÷ HX{q „íXqV [‘éVgñ l§r: ›o[M–| KUX Hs} †}ª²DÃö‰ê:  }]©öVkòoë} }|§ dF[ï mkÅoë} Ãö}–q §Amk‰êM †mkF::°´| pU‹�'£ s‘éX] †MkX ‰M ‰êDê [mk HEͧ ]D ›Œ�{ mkpU‹� ]£M Iké|q „ï|;

‹mkX} Kµ]} }[L†pq

…©öH~M ²mkSLX¥M

ናይ ሓዘንን ምጽንናዕን መልእኽቲ

ብሞት ተጋዳላይ ስዩም ዑቕባሚካኤል ሓዘና እናገለጽና፣ ንቤተ ሰብ ጽንዓት፣ ንመዋቲ ከኣ መንግስተ ሰማይ ከዋርሶ ንምነ። ንኣባላት ሰውራዊ ባይቶ ከኣ ንዕላማኹም በዚ ዘጓነፈኩም መሪር ሓዘን ከይተሰናበድኩም ብትብዓት ንክትቅጽልዎ ነተባብዕ።

ኤርትራዊ ደሞክራሲያዊ ባይቶ

12-19-05

ናይ ጽንዓት መግለጺ

ነጸረ ተ/መድህን - 20/12/2005

ኣብ ግምት ዘይጸንሔ፡ ሃንደበታዊ መስዋእቲ ኣቦ-ወንበር ተ.ሓ.ኤ. ሰ/ባ ሓርበኛ ስዩም ዑቕባሚካኤል ብዓሚቑ ነድርን ሓዘንን ተቐቢለዮ። ኣዝዮም ብዙሓት ዜጋታት፡ ከምዚ ናተይ ስምዒታት ከም ዘሕደረሎም ከኣ ዘጠራጥር ኣይኮነን።

ሓደ ካብቶም ንነጻነታዉን ሓርነታዉን ቃልሲ ልዕሊ ብሕታዊ ረብሓታቶም ዝሰርዑ፣ ኣንጊሁ ብትብዓት ዘትከለ፣ ሰነድ ታሪኽ ብረታዊ ቃልስና ከም ዝኾነ መዘናታቱን ናይ ታሪኽ ኪኢላታትን ሓሓሊፎም ብህይወቱ እንከሎ ፈይ ከብሉዎ ጸኒሖም’ዮም። 

ኣብ እዋን ተኣፋፊ ሰዓታት፡ ኩሉ ኣብ ትሕቲ ጭቡጥ ሃገራዊ ዴሞክራስያዊ ዕላማ መደብ ተሰሪዑ ናይ ልቦና ስኒታዊ መስርሕ ንምትላም እጃሞም ከበርክቱ ተስፋ ካብ ዝተገብረሎም መራሕቲ ሓደ ምንባሩ ይምዘን። ኩሉ’ቲ ምጽጻይ ዘድልዮ፣ ዝወዓሉ ይንገሩን ይምከሩን እንድ’ዩ ናይ ቃልሲ ተመክሮ ሃብቲ ዘለዎም ከም’ኒ በዓል ስዩም (ሓረስታይ) ኣድለይትን ኣገደስትን ምዃኖም ንምዕጋብ፡ ዝፈላሊ ኣርእስቲ ኣይምኾነን።

በዚ መጠን ክምዘን ስለ ዝጸንሔ ከኣ’ዩ መስዋእቲ ሓርበኛ ስዩም ዑቕባሚካኤል፡ ሓደ ካብቲ ኣርሒቕናን ከም ዘይመጽእን ጌርና ክንርእዮ ዝጸናሕና ጉዳይ ስለ ዝነበረ ንኹልና እዚ ሃንደበታዊ ሃገራዊ ክሳራ ክንጸሮ ኣየኽኣለናን። ዉርሻ ዝገደፎም ኣወንታዊ ልሉያት ኣብነታት ጥራሕ ዘይኮኑስ፡ ኣብ ዘይሰዓቱ ምኹላፍ ሓርበኛዊ ስዩም፡ ነቶም ዝተረፍና ተግባራዊ ኣስተምህሮ ክኾነና እዩ።

በል ስዩም (ሓረስታይ)፡ ኣብቲ ነዊሕ ዘይገበረ መስዋእቲ ብጸይትና ኣድሓነት ዓንዱ ብስም ተ.ሓ.ኤ. ሰ/ባ ዘመሓላለፍካዮ ናይ ምሕዛንካ መግለጺ ሓረጋት (Adhanet.com) ትዝ እናበሉኒ ምስቶም ቅድሜኻ ዝሓለፉ ናይ ታሪኽ ኣብነታት ጀጋኑና ክትዝከር ምዃንካ ኣይጠራጠርን።    

ንስዉእ ሓዉናን ብጻይናን ስዩም ዑቕባሚካኤል መንግስተ ሰማያት የዋርሶ፤

ንምሉኣት ስድራ-ቤቱን መሓዙቱን ከኣ ጽንዓት ይሃብኩም  - እብል

ክብርን ዝኽርን ንስዉኣትና ! !

ሐጺር መግለጺ ሐዘን

ጨንፈር ተ.ሐ.ኤ. ሰ/ባይቶ ከተማ ሳን ድየጎ

ዕለት 17 ታሕሳስ 2005 ዓም.ፈ.፣ ኤርትራ ሐደ ካብቶም መላእ ሂወቶም ዝተበጀዉላን ዝተወከፉላን ሐርበኛታት ደቃ ዝኾነ፣ ክቡርን ጅግናን ተጋዳላይ ስዩም ዑቕባሚካኤል ከሲራ። አብ ከተማ ሳን ድየጎ ሕቡራት መንግስታት አሜሪካ ዝርከብ ጨንፈር ተ.ሐ.ኤ. ሰ/ ባይቶ ነዚ ዘሕዝን ተረኽቦ’ዚ አመልኪቱ፣ እዚ ዝስዕብ መግለጺ አውጺኡ።

ብጸይ ስዩም! እተን ደኺምና ዘይፈልጣ አብራኽካ ተጋዲመን፣ እተን ጺሒፈን ዘይርብርባ አጻብዕካ ተዓጺፈን፣ እተን ፍትሒ፣ ደሞክራሲ፣ ልዑላውነት ግዝአተ ሕጊ አብ ዓደቦኻ ከንግሳ፣ ንአዕኑድ ዲክታተርነት ከአ ክድምስሳ፣ ወትሩ ከይሰልከያ ዝንቀሳቀሳ ድምጺ ከናፍርካ ሎሚ ተኾሊፈን። እወ ነቲ ሰብ ዝሰርሖ ናይ መግዛእታዊ ስርሒትን፣ ነቲ ምልካዊ ዓማጺ ናይ ጭቆና መስርሕን፣ ንሐንቲ ሰከንድ’ኳ ናብ ካልእ ግልጽ ከይበልካ፣ ብትሪ መኪትካ ፈጺምካዮ።አማን ብአማን ሃገራውን ህዝባውን ግቡእካ ፈጺምካ። ዕርዲ ቓልሲ ምስ ሐዘ ነቕ ዘይብል፣ ምስኩር ዘሕይለል፣ ህዝቢ ኤርትራ ካብ ዘፍረዮም ተቓለስቲ ምርኡያት ደቁ ሐደ ምዃንካ’ውን ብተግባር አርኢኻ። ንአምን ጣዕሳ’ውን የብልካን። ግን’ከ አይከምባህግናን አይከም ትጽቢትናን። ከመይ ኩሉና በብተራ አማስያኡ ናብኡ ገጽና ከምንጉዓዝ ፍሉጥ’ኳ እንተኾነ’ስ፣ አብ ዘይሰዓቱን እዋኑን አመና ቐልጢፍካ ሐዲግካና። ንዓኻ ዘይኮነስ ነታ መሰነይታ ዝኾነትካ ሞት’ውን እንተኾነ እምቢ ኢላ ዘየታረፈትካ ብምረት ተቐዪምናላ። ናይ ትማሊ ተቓላሳይ ናይ ሕጂ ክቡር ስዉእ ብጻይ ስዩም! ነቲ ዕሸል ከለኻ ዝጎየኻሉ፣ ህቡብ መንእሰይ ኰንካ ተአሲርካ ዝተሞቓሕካሉ፣ ብረትካ ተሐንጊጥካ ከይተሐለልካ ምእንቲ ህዝብኻ ዝተጋደልካሉ መሬት ዓደቦኻ፣ እኳ ንቕሩብ እዋን ተመሊስካ ሸናዕ ዘይበልካሉ ሐሲብና’ስ፣ ንሐዘንና’ኳ መስፈሪ ሲኢናልሉ። ምልካዊ ሰረት ተማሕዩ፣እቲ ወትሩ እትዝምረሉን እተስተምህረሉን ናይ ሰላምን ስኒትን ራኢኻ ክዉን ኮይኑ፣ አብ ፖለቲካውን ብረታውን ተጋድሎ ዝተዋሳእካዮ፣ ጻማ ናይ 45 ዓመታት ዕድመ ቃልስኻ ክንዲ ምርአይ፣ ጸሊም ሞት ብአቋራጭ አኳሊሙ፣ መሪር ጽዋኡ አምዒጉ፣ ንዘለአለም ካብ ስድራኻ፣ ብጾትካ፣ ህዝብኻን ሃገርካን ፈልዩ ክወስደካ ምስማዕና’ስ አመና’ኳ አስደሚሙና ኽቱር’ውን ሐዚንና። ስዩም ክምህ ዘይብል ተባዕ ሐርበኛ ተጋዳላይ፣ ስዩም ናይዚ መዋእል’ዚ ኪኢላ ናይ ፍትሒን ግዝአተ ሕጊን ሐያል ጠበቓ መዳራይ ጽሐፋይ፣ ስዩም ቀደም ንባዕዳዊ መግዛእቲ፣ ሎሚ ንናይ ወዲ ሃገር ምልካዊ ስርዓት ዘይጽዓድ እምቢ አበደን ብሃላይ፣ ድሐን ኩን።

ንዓኻ ድሐን ኩን ብምባል ሎሚ ንመጨረሻ እዋን ክንፋነወካ እንከለና፣ እዚ ተረኽቦ’ዚ ፈጺሙ ዘይውሐጥ፣ አመና ዔር ዝብል መሪር ሐሞት’ዩ። እቲ ብሐባር ዝተቓለስናሉ ዝደመናሉ፣ እቲ ብሐባር ዝተጨወናሉ ዝተሃደናሉ፣ክቡር ህዝባዊ ዕላማና አብ መዓርፎኡ ክሳብ ዝበጽሕ፣ እቲ ልሙድ ምሳና ሐዲግካዮ ዝኸድካ ከቶ’ውን ዘይልሕልሕ ኤርትራዊ ሐርበኛዊ ዕጥቂ ከነትርሮ’ምበር አይከነዝልቖን ኢና። ናይ ፍትሒን ደሞክራሲን ሰንደቕ ዓላማና ገቲርና፣ ክሳብ ነብሲ ወከፍ ኤርትራዊ ዜጋ ምዩቕ ከይበለ ቀሲኑ ዝነብረላ፣ ሐራን ሰላማዊትን ኤርትራ ትረጋገጽ ከአ፣ ቃልስና  ከም እነሕንን በዚ አጋጣሚ’ዚ ቃል ንአትወልካ።

ስዩም! ከምቲ ወትሩ ዝነበረ ባህግኻን ቃልስኻን አብ ዞናና ምልክት ርግአትን ቅሳነትን ዝኾነት፣ ሐድነት መሬታን ህዝባን ዝዓቀበት፣ ምስ ጐረባብታ ጐኒ ንጐኒ ኰይና ዝተወሃሃደት፣ ልዑላዊትን ምዕብልቲን ድልድልቲን ሰላማዊት ሐያል ሃገረ ኤርትራ ንምህናጽ፣ ክምህ ከይበልና ክንረባረብ ኢና። አብ ናይ ዘለአለም ዕረፍቲ ቦታኻ ኰንካ ኸአ አጆኻ ቅሰን።  

በዚ አጋጣሚ’ዚ ነቶም ቃልሲ ህዝቢ ኤርትራ ዝሃሰዮም፣ ወትሩ ካብኦም ተፈሊኻ ብምንባር፣ ተወሊዶም ከም አቡኦም ርእዮም ዘይጸገቡኻ ዕምባባ ደቕኻን ቤተሰብካን ጽንዓት ይሃቦም። ነቶም ትጽቢቶም ዝተቖጽዮም መላእ መቓልስቲ ብጾትካን ውድብካ ተ.ሐ.ኤ. ሰ/ባይቶን አባላቱን ጽንዓት ይሃቦም።  ንዓኻ ምስአን ክሳራን ዕንወትን ናይቲ ኩሉ ደላይ ሰላምን ራህዋን ስለዝኾነ፣ ተቓለስቲ ደቁ ንኸድሕንዎ ቁሊሕ ዝብል ውጹዕ ህዝብናን፣ ነቶም ናይ ቃልሲ ጾር መሻኽምትኻ ንዝኾኑ ኩሎም ተቓወምቲ ሐይልታት ኤርትራን ጽንዓት ይሃቦም ንብል።

ስዩማይ አዳም ኢና’ሞ ክሳብ ተራና በጺሑ ነርክበካ’ስ ድሐን ኩን!!!

ናይ ዘለአለም ቅሳነትን ዕረፍትን ከአ ይሃብካ!!!

ተስፋይ ተኽለ

አቦ ወንበር ጨንፈር ተ.ሐ.ኤ. ስ/ባይቶ

ከተማ ሳን ድየጎ ሕቡራት መንግስታት አሜሪካ

• …©öH~M ²mkSLX¥M:„íXqVgñ B›lgñ M}e]dh]}: Wednesday, December 21, 2005 1:27 AM
• ኤርትራዊ ደሞክራሲያዊ ባይቶ Wednesday, December 21, 2005 12:14 AM
• ናይ ጽንዓት መግለጺ ነጸረ ተ/መድህን - Tuesday, December 20, 2005 11:29 PM
•  ጨንፈር ተ.ሐ.ኤ. ስ/ባይቶ ከተማ ሳን ድየጎ ሕቡራት መንግስታት አሜሪካ;
  Tuesday, December 20, 2005 11:23 PM